مواكبة التطور السريع في مجال تطبيقات الاندرويد

اهلا بيك صديقي مطور تطبيقات الاندرويد في بودكاست جديد على منصة كرسي.


بودكاست النهارده واحد من أهم وأكبر مشاكل اللي بتقابل مطوري الاندرويد خلال رحلة عملهم.

وهي ازاي تواكب التطور السريع اللي بيحصل باستمرار؟!

مواكبة التطور السريع في مجال تطبيقات الاندرويد

التطور اللي بقا في الاندرويد بقا كبير جدا ودا عشان يواكب ديما متطلبات المستخدمين من ناحية مثلا الاداء او التصميمات أو الخصوصية وغيرها كتير وطبعا كل تطور بيحصل بيكون في تغيير كبير جدا من ناحية تطور التطبيقات.

وعشان ديما ده محتاج وقت حبينا نعمل البودكاست ده عشان تبدأ في انك تطور نفسك مع التطور السريع وكمان كل سنه جوجل بتعمل مؤتمر بيسمي جوجل io.

ما هو جوجل io؟

مواكبة التطور السريع في مجال تطبيقات الاندرويد

ولو انت متعرفهوش جوجل بتعمله كل سنه عشان تعرض فيه كل الجديد عندها والجديد كمان في نظام
اندرويد واحدث اصداراته وكمان التطورات التي حصلت على تطوير التطبيقات. زي مثلا في مؤتمر ٢٠١٧
لما أعلنوا عن دعمهم لكوتلن بدل الجافا وهكذا …

الخطوة الاولى: ازاي اعرف التطورات اللي بتحصل دايما في الاندرويد

بس قبل ما نحل المشكله دي، الاول لازم نعرف ازاي اعرف التطورات اللي بتحصل دايما في الاندرويد.
السوال ده مهم جدا لانه هو الاساس في انك تبدا تواكب التطور وهو العلم بيه اولا .

على مواقع السوشيال android developers لازم تتابع موقع مطوري الأندرويد وكمان شوف اكونتات
ميديا واوعي تنسي طبعا القناه الخاصه بيهم على اليوتيوب اي جديد بينزل بشكل مستمر على كل المواقع دي.


كده عرفنا ازاي ممكن تعرف التطورات الجديدة كلها.
دلوقتي بقا لازم ناخد تاني خطوة وهي ترتيب الأولويات.

الخطوة التانية: ترتيب الأولويات

يعني ايه هو اللي لازم تبدا بيه واللي مينفعش تاجله.

يعني مثلا لما اعلنوا ان كوتلن هي اللغة الأساسية لتطوير تطبيقات الأندرويد بدلا من جافا دي كانت من
اهم الحاجات اللي لازم تبدا فيها بعد ما تعرفها على طول لان مع الوقت ستكون هي أول حاجه بتنطلب في
الشركات.


البالتي ترتيب الأولوية هو خطوة مهمة جدا

الخطوة التالته: تطبيق التطور في تطبيقات الاندرويد


تالت خطوه وهي انك تبدا تطبق كل اللي بتشوفه في من خلال الحاجات اللي ذكرناها قبل كده وهي القنوات
والمواقع الخاصة بمطوري تطبيقات الاندرويد. بس طبعا ممكن يكون عامل الوقت مشكله.
بس هقولك على شويه حاجات هتخلى تطبيق الحاجة افضل بكتير جدا.

ملاحظات حول تطبيق تطویرات تطبيقات الاندرويد

مواكبة التطور السريع في مجال تطبيقات الاندرويد

كلنا عارفين انك لما تبدأ في تعلم شئ غير لما تستخدمه في مشروع فعلي لما بتستخدم الي حاجه في مشروع
جديد بيظهر معاك كل المشاكل اللي مستحيل تظهرلك كونك شغال بتتعلم اداه جديده او طريقه جديده لعمل
شي في تطبيقات الاندرويد عشان كده انا دايما برشح انك لما تتعلم حاجه حاول تطبيقها في مشروع فعليا
انت شغال عليه ولو انت شغال في مكان اعرض دا على المديرين اللي انت شغال معاهم عشان يكون
عندهم علم بكل شئ لان اكيد ممكن تعطلك الحاجات دي في لحظة من اللحظات ودا ممكن يؤدي لتعطل
المشروع مثلا لاقدر الله فعشان كده العلم بده افضل بكتير من المديرين عشان ميبقاش عليك اي مشكله
وخلينا اقولك على مثال عملي.

تجربة شخصية


في بداية الإعلان على كوتلن كورتين كانت عجباني جدا وكنت حابب استخدمها بدل ال callbacks or RXjava.


بس للاسف الوقت كان مشكله ف بدأت اقسم الوقت اني كل فتره اتعلم حاجه معينه فيها وبعد فتره اتقنت
جزء كبير منها ولما حبيت اطبق كل اللي اتعلمته اتكلمت مع المدير الخاص بي وعرضت عليه الموضوع
ووافق وبدات فعلا استخدمها في اول مشروع ليا وبعد فترة من المشروع اكتشفت بعض العيوب والمشاكل
اللي كان لازم حلها ورجعت لمديري مره اخرى وعرفته كل حاجه وبعد كده حلينا المشكله وبكده احنا بقينا
شغالين بحاجة حديثه بجانب الحاجات القديمه ودي كانت افضل طريقه انا جربتها عشان ابدا كل شي جديدا
في مجال تطوير تطبيقات الاندرويد.


المهم انك تحاول انها تكون حاجة واحدة فقط خلال مشروعك لأنك لو جربت كذا حاجه في نفس المشروع
ممكن يكون حجم المشاكل اللي هتطلع كبيرة جدا وتعطيك كتير.


وكمان لو انت بتشتغل في شركتك ٣ مشاريع على سبيل المثال سنويا وانت استخدمت ٣ حاجات من
الحاجات الكبيره اللي ظهرت في خلال اخر فتره ليك فانت كده تواكب جزء من صغير من اللي بيحصل في
مجال تطوير تطبيقات الاندرويد.


واخيرا التطور هو أساس الحياة ولو انت محاولتش تتماشى مع التطور ده فأنت منسي لا محال في وقتا ما
وخليني اقولك على مثال فعلي.


مين فاكر شركه نوكيا الشركه دي كانت واحدة من أسباب فشلها هو عدم تبنيها التطور وأنها حتى مفكرتش
تطور من نفسها في بداية الاندرويد لما بدا ينتشر ودا كان بسبب انها مفكره انها ضامنة السوق بسبب
المبيعات اللي كانت هي محققيها وكده …

Related audio
12:30 Minutes

تحقيق الارباح من خلال تطبيقات أندرويد

أنور السيد

هقولك هنا موضوع الربح بيختلف علي حسب نوع تطبيقك واهتمامات المستخدمين وكمان مكان تواجدهم واهم حاجه عدد المستخدمين النشطين اللي موجود علي التطبيق بتاعك يوميا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

السلة