الربح من العمل في شركات البرمجة [الوصول لأول وظيفة في مجال تطوير تطبيقات الاندرويد]

اهلا بيك صديقي مطور تطبيقات الاندرويد … مع بودكاست جديد على منصة كرسي عن الربح كونك
مطور تطبيقات اندرويد.

بودكاست المرة دي في الغالب هيكون لحد لسه في بدايه الطريق لكونه مطور تطبيقات اندرويد و هنحاول
نعرف الطريق انه يشتغل اول وظيفة في اول شركه كمطور تطبيقات اندرويد.

البودكاست ده الثالث في سلسلة تحقيق الارباح من كونك مطور تطبيقات اندرويد وهقولك ليه هو مش أول بودكاست بدأنا بيه.

تطوير تطبيقات الاندرويد

تطوير تطبيقات الاندرويد


حاليا سوق العمل متشبع بمطوري الاندرويد او مش متشبع اغلب الشركات ديما محتاجه حد خبره ولان
الخبره محتاجه شغل والشغل محتاج خبره فا احنا هنحاول نحل المشكله دي باذن الله في البودكاست ده ….

عشان كده كان لازم يكون في شوية خطوات قبل العمل في شركات وهو التأسيس الجيد ليك وكمان تعمل
تطبيقات كتير تساعدك وتخليك من أوليات الناس اللي تشتغل في اي شركة تقدم فيها.


في منصه كرسي هنا عملنا اول بودكاست قصدنا نبدأ بيه هو كان عن الربح من تطبيقات جوجل وده لأنك
في الغالب لسه معندكش اي تطبيقات او خبرة فعلية لسه وبالتالي فكرة دخولك في انك تعمل تطبيق تتعلم
فيه وكمان تحاول تحقق منه ارباح من جوجل فدا هيديك حافز كبير جدا انك تكمل وتعمل اول تطبيق خاص
بيك.

مش بس كده دا كمان هتاخد خبره انك تطلع اول تطبيق في حياتك لو دا اول واحد لسه تعمله غير طبعا
خيره الكود اللي هتكتسبها والافكار وهكذا في المرحله دي وكمان في الخطوه دي تقدر تعمل اكتر من
تطبيق وبكده دا ه ينقلك للخطوه الثانيه وهي تجربة الربح من تطبيقات الاندرويد من على مواقع الفرى
لانس.

ودا اتكلمنا فيه في تاني بودكاست هنا على منصة كرسي ولو انت طبقت اول خطوه فا انت كده عندك سجل
اعمال تقدر تبدا بيه على مواقع الفرى لانس وكمان الخطوه دي هتعلمك حاجات كتير جدا منها:


١- ازاي تعمل من مجرد كلام العميل بيتكلم فيه system analysis
٢- تجربه انك تتعامل مع عملاء
٣- تجربة أدوات وطرق عمل جديدة
٤- ازاي تقدر تميز نفسك وطريقتك عشان تاخد اول مشروع ليك بكل سهوله

وحاجات تانيه كتيره كلها هتساعدك في بناء مطور تطبيقات اندرويد مميز جدا..


البودكاست الاول والثاني كانوا تمهيد البودكاست النهارده وهو ازاي بقا تكسب من العمل في شركات
البرمجةز


احنا هنا هدفنا اننا نوصلك لاشهر واسهل الطرق للربح من كونك مطور تطبيقات أندرويد وهو العمل في
شركات البرمجة وبالتالي ليك مرتب ثابت ديما وهكذا ..

بس زي ما قلنا في بداية البودكاست السوق بقي في صعوبة حاليا مبقاش زي الاول وبالتالي لازم تعافر
شويه عشان تاخد مكان في السباق الحالي …

تمهيدات الحصول على الخبرة

عشان تاخد الخبره اللي تأهلك انك تشتغل في اي شركه لازم تشوف المطلوب حاليا واللي اسوق محتاجه
ودا تقدر تشوفه بسهوله من خلال:


١- موقع من مواقع التوظيف وتشوف الشركات بتطلب ايه زي مثلا موقع وظف
٢- بوستات التوظيف على موقع زي لينكد إن

وهكذا كل شركه بتكون طالبه حاجات معينة على سبيل المثال انت ممكن تدخل تلاقي شركة طالبه حد
المفروض عنده الخبرات التالية:
Kotlin , MVVM ,Dagger … etc

وانت عارف كله ما عدا انك مثلا مكتبتش تطبيقات بلغة كوتلن يبقي تبدأ تتعلم كوتلن وتطبيق عليها كتير
وتستخدمها بدلا من اللغة الحالية وهي جافا.

ولو انت طبقت دا على كذا بوست توظيف هتلاقي نفسك بعد فتره بقيت ملم جدا بحاجات كتير من اللي
الشركات بتحتاجه في مطور تطبيقات الاندرويد …

في نقطه مهمه لازم تكون برضو من اهتماماتك انك لازم تطور من نفسك بشكل دوري وتابع الجديد حتي
لو هتاخد فكرة صغيرة عنه بس دا هيفرق معاك جدا وكمان لو انت مقدم في مكان دا بيكون إثبات ليهم انك
شغل مهتم بتطوير نفسك من خلال استخدامك احدث الحاجات في مجال تطوير تطبيقات الاندرويد .

كده انت بقى عندك الخبرات اللي الشركات محتاجاها وكمان من البودكاست الاول والتاني عملت اول تطبيق او تطبيقين ليك فاضل انك تعمل سي في كويس اللي من خلاله تقدر تعمل سي في canva وتبدأ في انك تقدم في الشركات وهنا ممكن ارشحلك موقع زي كتير جاهزه وبس هتغير عليها حاجات بسيطه عشان يناسبك اكتر وحاول templates بسهوله لانه فيه السي في يكون فيه اللي تعرف بالظبط وبلاش تكتب اي حاجه فيه وخلاص لانه مثلا لو دخلت انترفيو وكان في حاجه انت كاتبها ولما اتسالت فيها مكنت اصلا عارفها دي بيدي اللي بيعمل ليك انترفيو فيدباك مشكويس خالص وبالتالي هتترفض.

حاجه مهمه برضو حاول تخلي مشاريعك مرفعوعه على موقع زي /http://github.com.
وضيف اللينك بتاعه في السي في الخاص بيك لان ده بيساعد اللي بيختار الناس انهم يشوفوا طرقتك
وأسلوبك في كتابه الاكواد وطبعا مش محتاجني اقولك ان لازم الاكواد دي تكون مكتوبة بأفضل طريقة
ممكنة … بس كده يا صديقي تقريبا مع الخطوات دي باذنالله هيكون ليك نصيب في الحصول على أول
وظيفة ليك ..

بس لازم اوضحلك امر مهم جدا كالعاده اوعي تيأس من التقديم على وظيفه الموضوع فعلا في البداية
هيكون متعب ومرهق بس دا العادي ولازم تكون مقتنع انك لسه في البدايه لازم تقدم أفضل ما يمكن وانت
بتقدم عشان تحاول تاخذ مكان وممكن تقدم في كذا مكان وميجيش ليك اي رد ودا عادي برضو وممكن
تعمل انترفيو وتترفض.


وكمان قبل اي انترفيو لازم تقرا أهم الاسئله اللي ممكن تتسأل ليك في الانترفيو وفي منصة كرسي هنا
هتلاقي مقالين عن أهم الأسئلة في الانترفيو باذن الله.


وعشان كده وانت بتعمل اي انترفيو حاول يكون معاك ورقة وقلم وسجل كل سؤال انت معرفتش تجاوب
عليه ومكنش موجود قبل كده في الاسئله اللي انت عارفها ودا هيكون نقاط الضعف اللي انت محتاج تركز
عليها في المرحله الجايه.


بالتوفيق ليك صديقي واتمنى يكون البودكاست فادك ….

Related audio
12:30 Minutes

تحقيق الارباح من خلال تطبيقات أندرويد

أنور السيد

هقولك هنا موضوع الربح بيختلف علي حسب نوع تطبيقك واهتمامات المستخدمين وكمان مكان تواجدهم واهم حاجه عدد المستخدمين النشطين اللي موجود علي التطبيق بتاعك يوميا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

السلة