طريقك لمشروع ناجح من خلال العمل الحر

اﻫﻼ ﺑﻴﻚ ﺻﺪﻳﻘﻲ ﻣﻄﻮر ﺗﻄﺒﻴﻘﺎت اﻻﻧﺪروﻳﺪ ﻓﻲ ﺑﻮدﻛﺎﺳﺖ ﺟﺪﻳﺪ ﻋﻠﻲ ﻣﻨﺼﻪ ﻛرﺳﻲ وﻓﻲ ﺑﻮدﻛﺎﺳﺖ اﻟﻨﻬﺎرده ﻫﻨﺘﻜﻠﻢ ﻋﻦ “ﻃﺮﻳﻘﻚ إلى المشروع الناجح ﻣﻦ ﺧﻼل اﻟﻌﻤﻞ اﻟﺤﺮ“.

ﻣﻦ ﺧﻼﻟﻚ اﻧﻚ ﺗﻘﺪر ﺗﺤﺪد ﺗﻜﻠﻔﺔ ووﻗﺖ ﻣﺸﺮوﻋﻚ ﺑﺎﻟﻄﺮﻳﻘﺔ اﻟﺼﺤﻴﺤﺔ وﻛﻤﺎن ﺷﻮﻳﻪ ﻧﺼﺎﻳﺢ.

نصائح لبدء المشروع الناجح ﻓﻲ ﻣﺠﺎل ﺗﻄﻮﻳﺮ ﺗﻄﺒﻴﻘﺎت اﻻﻧﺪروﻳﺪ

اﺗﻜﻠﻤﻨﺎ ﻓﻲ ﺑﻮدﻛﺎﺳﺖ ﻓﺎت ﻋﻦ ازاي ﺗﻘﺪر ﺗﺒﺪا ﻓﻲ ﻣﺠﺎل ﺗﻄﻮﻳﺮ ﺗﻄﺒﻴﻘﺎت اﻻﻧﺪروﻳﺪ وﻛﻤﺎن اﻟﺮﺑﺢ ﻣﻦ اﻟﻌﻤﻞ اﻟﺤﺮ. ﺑﺲ ﻋﺸﺎن ﺗﺒﺪأ ﻓﻲ اﻟﺮﺑﺢ ﻣﻦ اﻟﻌﻤﻞ اﻟﺤﺮ ﻓﻲ ﺣﺎﺟﺎت اﻛﻴﺪ ﻫﺘﻮاﺟﻬﻚ ﺑﻌﺾ اﻟﻤﺸﺎﻛﻞ ﻋﺸﺎن ﻛﺪه ﻫﻨﺘﻜﻠﻢ ﻓﻴﻬﺎ وﻫﻲ:

١- ازاى ﺗﺤﺪد وﻗﺖ ﻟﻠﻤﺸﺮوع
٢- ازاى ﺗﺤﺪد ﺗﻜﻠﻔﺔ اﻟﻤﺸﺮوع
٣- ازاي ﺗﻀﻤﻦ ﺣﻘﻮﻗﻚ اﻟﻤﺎدﻳﺔ

تحقيق الارباح من خلال تطبيقات أندرويد| اعلانات جوجل
تحقيق الارباح من خلال تطبيقات أندرويد| العمل الحر
تحقيق الارباح من خلال تطبيقات أندرويد| العمل في شريكات البرمجة

ﺑﺲ ﻗﺒﻞ ﻣﺎ ﺗﺒﺪأ ﺧﻠﻴﻨﺎ ﻧﻘﻮل ازاي ﻣﻤﻜﻦ ﺗﺒﺪأ ﻣﺸﺮوﻋﻚ ﺑﻄﺮﻳﻘﺔ ﺻﺤﻴﺤﺔ ﺑﻤﺎ اﻧﻚ  ﻫﺘﻜﻮن ﻓﻲ اﻟﺒﺪاﻳﻪ او ﻟﺴﻪ ﻣﻌﻨﺪﻛﺶ اﻟﺨﺒﺮه ﻓﺎﻛﻴﺪ ﻫﺘﻜﻮن ﻣﺴﺘﻌﺠﻞ اﻧﻚ ﺗﻘﺒﻞ أول ﻣﺸﺮوع ﺧﺎص ﺑﻴﻚ ﺑﺲ دي ﻣﻤﻜﻦ ﺗﻜﻮن ﻣﺸﻜﻠﻪ ﻛﺒﻴﺮه ﺟﺪا ﻟﻼﺳﻒ ﻣﻤﻜﻦ ﺗﺨﻠﻴﻚ ﺗﺨﺴﺮ ﻣﻦ وﻗﺘﻚ وﻣﺠﻬﻮدك ﻛﺘﻴﺮ ﺟﺪا ﻋﺸﺎن ﻛﺪه ﻻزم ﻳﻜﻮن ﻋﻨﺪه اﻟﺨﺒﺮه اﻟﻜﺎﻓﻴﻪ اﻟﻠﻲ ﺗﺨﻠﻴﻚ ﻣﺘﻐﻠﻄﺶ او ﺗﺨﺴﺮك ﻛﺘﻴﺮ.

كيف ﺗﺒﺪأ المشروع الناجح ﺑﻄﺮﻳﻘﺔ ﺻﺤﻴﺤﺔ؟

اوﻻ ﻓﻲ اﻟﻐﺎﻟﺐ وﺑﻨﺴﺒﻪ ﻛﺒﻴﺮه ﻣﻤﻜﻦ ﻳﻜﻮن اﻏﻠﺐ اﻟﻠﻲ ﻋﻠﻰ ﻣﻮاﻗﻊ اﻟﻔﺮى ﻻﻧﺲ ﻣﺶ ﻋﺎﻣﻞ اى ﺗﺤﻠﻴﻞ ﻟﻠﻨﻈﺎم اﻟﻠﻲ ﻋﺎﻳﺰه وﻣﻤﻜﻦ ﻛﻤﺎن ﻣﻴﻜﻮﻧﺶ ﻓﻲ ﺗﺼﻤﻴﻢ ﻟﻠﺘﻄﺒﻴﻖ او ﻛﺪه. وﺗﻌﺎﻟﻲ ﻫﻘﻮﻟﻚ ﻣﺜﺎل ﻋﻠﻰ ﻛﺪه أﺣﺪ اﻟﻌﻤﻼء ﻛﺎﺗﺐ ﻋﻠﻲ ﻣﻮﻗﻊ ﻣﺴﺘﻘﻞ اﻟﺘﺎﻟﻲ ﻓﻘﻂ:

عمل تطبيق لمندوبي المبيعات
وربطه مع نظام ويب قائم

بالتأكيد السطرين دول انت ممكن تفكر التطبيق هيكون بسيط جدا وممكن تقبل بالتطبيق على اي سعر هو حاطه؛ بس صديقي مطور الاندرويد بلاش تتسرع.

الخطوة الأولى

حاول تجتمع مع العميل تفهم منه التفاصيل الكاملة عن التطبيق ده. لان مثلا تطبيق زي اللي مكتوب فوق ده ممكن يكون مثلا لأكثر من مستخدم والمناديب ذات نفسهم ممكن يكون ليهم اكتر من نوع وكل واحد فيهم ليه سلوك مختلف عن التاني في التطبيق. وبكده ان ممكن تكون معتقد ان التطبيق يقوم بشئ بسيط وتكتشف انه في حاجات كتير جدا للاسف وساعاتها انت مش هتقدر تقول للعميل اي حاجه لانك وافقت خلاص على التطبيق دون معرفة تفاصيلها.

الخطوة الثانية

لو متوفر فعلا شرح كافي للتطبيق ومعمول تحليل للنظام بشكل جيد بس مفيش تصميم للشاشات الخاصة بالتطبيق نصيحتي بلاش تبدا من غير ما العميل يوفر ليك تصميمات خاصة بالتطبيق لانك ممكن تدي حساب للوقت والتكلفة بناء علي توقع ان شاشات التطبيق هتكون بسيطه ولكن تتفاجئ بأنها للاسف معقده ومش بسيطه ولو كنت مثلا علي سبيل المثال حاطط ساعه تعمل فيها تصميم شاشة زي شاشة تسجيل الدخول لانك معتقد انها بسيطه فتتفاجأ انها معقدة بعض الشئ وهتاخد منك اكتر من ساعتين مثلا كل دي حاجات للاسف في البدايه انت مش بتكون مدركها ومش هتكتسبها غير مع الخبرات مع عدد كبير من التطبيقات اللي بتقوم بيها.

الخطوة الثالثة

لو النقطه الاولى والثانيه متوفره انت كده خلاص تقريبا جاهز انك تبدا علي المشروع وهنيجي للنقطه المهمه اللي هو ازاي تحدد وقت وتكلفة المشروع الخاص بيك.

تحديد وقت وتكلفة المشروع

تحديد وقت المشروع

أول حاجه تحديد وقت مشروعك هو من أكثر النقاط للاسف اللي مش بسيطه في أي مشروع جديد هتبدا عليه. لأنك في الغالب حابب تدي و مظبوط عشان متعديش الوقت اللي متفق عليه عشان تسلم فيه وطبعا مش محتاجني افكرك باول وتاني نقطه اتكلمنا فيها وهي تحليل النظام وكمان التصميم.

اقرا تحليل النظام بعنايه شديده وحاول ديما تكون فاهم كل نقطه ومفيش اي حاجه تعدي عليك مرور الكرام. وبعد ما تكون فهمت تحليل النظام هتبدا تشوف كل الشاشات الخاصه بالتطبيق وتتاكد ان كل الشاشات بتتوافق مع تحليل النظام اللي انت المفروض فاهم كل نقطه فيه كويس جدا. بعد كده واتاكدت ان كل حاجه تمام هتبدا تاخد كل اسكرينه وتحاول من خلال اعمالك السابقه تبدا تحط وقت لكل حاجه.

علي سبيل المثال ناخد شاشات زي تسجيل الدخول وتسجيل حساب جديد او مثلا نسيت كلمه المرور. انا مثلا بقول ان الشاشه بتاع اللوجت ممكن تاخد ساعاتين عشان تخلص التصميم وعشان تعمل ربط مع ال api الخاصه بيها ممكن تاخد كمان ساعتين وبكده الشاشه دي هتاخد ٤ساعات.

وحاول تعمل زي buffering كده نص ساعه بحيث لو اي حاجه وانت شغال عطلتك بالتالي الاجمالي هيكون ٤ ساعات ونص … وتبدا تعمل كل اللي فات ده علي جميع الشاشات الخاصه بالتطبيق الخاص بيك.

انت بتحاول تكون دقيق قدر المستطاع عشان تطلع وقت تقريبي للمشروع ككل وبعد ما تخلص كل الشاات نفترض ان كل الشاشات عملت ٢٠٠ساعه طبعا
الساعات بتختلف من مشروع للتاني وكمان من شخص للتاني عشان كده احنا بندي مثلا مش اكتر ..

دلوقتي كل شخص ممكن يشتغل عكس التاني يعني انا ممكن اشتغل كل يوم ٤ساعات بس شخص تاني ممكن يستغل ٨ساعاات بس ٥ايام في الاسبوع. فانت هتقسم
بقا ساعات المشروع علي عدد ساعتك خلال الاسبوع وبكده هيديك اجمالي الاسابيع اللي هتشتغل عليها في المشروع ده وبكده يكون انت حسبت وقت المشروع.

تحديد سعر المشروع

اعتقد بعد اول خطوه انت دولوقتي بقا معاك حاجه تقدر علي اساسها تحدد سعر المشروع ككل وهو:

عدد الساعات * سعر الساعه الخاصه بيك= سعر المشروع


اما عن سعر الساعه الخاصه بيك فدا بيختلف من شخص للتاني بناء علي كذا عامل زي الخبره و السرعه وكمان جوده الشغل. فممكن يكون شخص سعره في الساعه ٥دولار مثلا وشخص تاني ٥٠دولار.

طبعا انت اللي تقدر تقييم سعر ساعتك بناء علي انت شايف خبرتك فين. ولو انت في البدايه حاول تكون ديما سعر ساعاتك يكون في الرينج الطبيعي بلاش يكون اكتر من المتوقع. مثلا لحد في البدايه وبكده يكون انت معاك الوقت والتكلفه الكامله الخاصه بالمشروع وتقدر تبدا فيه.

بس في شويه نصايح كده حاول تمشي عليها.

نصائح ذهبية لبدء المشروع الناجح

  1. حاول تقسم دفعات المشروع الخاص بيك لاكتر من دفع ويكون في deposit في البدايه قبل ما تبدا وليكن ب %25 وتقسم الباقي بالاتفاق مع العميل.
  2. اتناقش في حقوق ملكيه الكود لو المشروع كبير عشان لو كده في البدايه تحدد سعر كوده لو العميل هياخده.
  3. بلاش توافق علي اي حاجه خارج تحليل النظام او التصميمات اللي انت ملتزم بيها واي حاجه جديده فهي هيكون ليها تكلفه خارجيه.
  4. حاول تسلم في الوقت المحدد.

بس كده صديقي في نهايه البودكاست ..
اتمني يكون كلامنا عن الخطوات دي يؤدي إلى مشروع ناجح من العمل الحر بدون اي مشاكل وكمان يعلي من خبرتك.

Related audio
12:30 Minutes

تحقيق الارباح من خلال تطبيقات أندرويد

أنور السيد

هقولك هنا موضوع الربح بيختلف علي حسب نوع تطبيقك واهتمامات المستخدمين وكمان مكان تواجدهم واهم حاجه عدد المستخدمين النشطين اللي موجود علي التطبيق بتاعك يوميا.

09:34 Minutes

الربح من العمل الحر

أنور السيد

اهلا بيك صديقي مطور الاندرويدفي تاني بود كاست على منصة كرسي من سلسله الربح من […]

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

السلة